-->

Ano ang Provincial Product Accounts?

 

provincial product accounts

Ano nga ba ang Provincial Product Accounts?


Ang Provincial Product Accounts o PPA ay siyang itinuturing na Gross Domestic Product (GDP) ng isang probinsya. Ito ay nakapagdaragdag sa GDP ng bansa at mga rehiyon.


Ipinapakita rin nito ang isang komprehensibong larawan ng ekonomiya ng mga probinsiya.


Sinusukat ng GDP ang kabuuang produksiyon ng produkto/serbisyo at serbisyo kagalingang ekonomiko ng isang bansa.


Sinasalamin nito ang kabuuang halaga sa merkado ng mga produkto at serbisyong nalikha ng ekonomiya sa isang partikular na panahon.


Kung mas malaki ang growth rate (laki ng itinaas ng GDP), mas lumalakas ang ekonomiya; kung mas malakas ang ekonomiya, mas marami ang mamumuhunan sa bansa at mas darami ang trabaho.


Pinagmulan: @PSAgovph (Philippine Statistics Authority)

Pastilyas

 

pastilyas

Ang pastílyas ay matamis na pamana ng kolonyalismong Espanyol. Lumaki sa pamilyang mestiso si Carmen Guerrero Nakpil at matimyas na bahagi ng kaniyang gunita ng Pasko ang “nagtutumayog na mga castillo (mistulang monumento ng mga minatamis), pastillas na binalot sa napapalamutihang papel de-hapon, bagong tálop na tamales at lahat ng mga paraan ng pagkekendi at bon-bons. Itinanim nang sapilitan ang mga ito sa ating isip.”


Sa Filipinas, ang pastílyas (mula sa Espanyol na pastilla+s) ay kending gawa sa gatas. May matigas at may malambot na uri. Pinakapopular ngayon ang uri ng malambot na pastílyas, na tinatawag ding pastílyas de-létse, na gawa sa gatas na kalabaw sa bayan ng San Miguel de Mayumo, Bulacan. Bago ang lahat, tinawag na “mayùmo” ang bayan, na nangangahulugan ng “matamis’ sa Pampanggo, dahil bantog ito noon sa mga minatamis na bungangkahoy at sa pastilyas.


Isang sining sa San Miguel de Mayumo ang nakagarapong minatamis na santol, dayap, suha, o kundol na may inukit na bulaklak, pangalan ng may-ari o pagbati sa pinaghahandugan. Bordado ang tawag sa ganitong minatamis dahil tila ibinorda ang bulaklak at mga titik sa piraso ng prutas. Malimit na nakahanay ang mga garapon ng bordadong prutas sa estante ng platera at inilalabas lámang kung pista. Isa ring sining sa bayan ang palamuting pambálot ng pastílyas na may “buntot” na nagtatanghal ng ginupit na disenyo ng tanawin, pangalan, o pagbati. Inihahanay ang mga pastilyas sa isang prutera sa gitna ng mesa at nagiging pang-akit ang mga nakalaylay na “buntot” na hitik sa iba’t ibang disenyo.


Pinagmulan: NCCA Official via Flickr


Mungkahing Basahin:

1. Juan Nakpil

2. Julio Nakpil

LaPRATO Steak House

 

laprato steak house

LaPrato Steak House


Nasubukan niyo na ba ang pinaguusapan na bagong steak house sa Tondo, Manila? 


US BABY BACK RIBS, USDA CHOICE TOP SIRLOIN, SIZZLING USDA SIRLOIN sa halagang Php 199. lang! 


Tara na sa LaPRATO Steak House dito sa Molave St., Corner Corregidor St., Tondo, Manila.


Pinagmulan: @DTCAM_


Mungkahing Basahin:

1. Konsumo ng karne bawat taon

Pasong Tirad

 

pasong tirad

Ang Pasong Tírad ay isang makitid na lagusan sa Bundok Tirad na bahagi naman ng kabundukan ng bayan ng Concepcion (Gregorio del Pilar ngayon), Ilocos Sur sa may kanlurang bahagi ng Cordillera. May taas itong 1300 metro na natatakpan ng mga ulap tuwing maulan.


Dahil sa tarik nito, hindi makikita ng sinumang paakyat ng paso ang mga nakatuntong dito. Dahil sa estratehiko nitong posisyon, pinili ni Heneral Gregorio del Pilar ang nasabing lugar upang harangin at gulatin ang pangkat ng Amerikanong nais hulihin si Pangulong Emilio Aguinaldo na tumatakas nang pahilaga. Inutusan niya ang kaniyang 59 piling kawal na maghukay sa tatlong level ng paso. Dito, maaari nilang barilin at tapunan ng bato ang mga paakyat na Amerikano.


Noong 2 Disyembre 1899, ginulat nina del Pilar ang 500 sundalong Amerikano na pinamumunuan ni Major Peyton C. March. Nahirapan ang mga Amerikano na masupil sina del Pilar dahil sa kasikipan at katarikan ng nasabing paso.


Sa kasamaang-palad, nalaman ng mga Amerikano, sa tulong ng isang lalaking nangangalang Januario Galut, ang tanging daan papunta sa itaas ng Pasong Tirad sa mismong likuran nina del Pilar. Sumalakay ang puwersang Amerikano sa pamamagitan ng daang ito. Pagkatapos ng ilang oras na pagsalakay ay dalawa na lamang ang natira sa puwersa ng mga Filipino at kasama si del Pilar sa mga nasawi.


Matapos ang labanan, nakuha ang talaarawan ni del Pilar. Narito ang isang bahagi nito: “Ibinigay sa akin ni Heneral ang lahat ng tauhan na maaring ilaan sa akin at inutusan niya ako na ipagtanggol ang paso. Nauunawaan ko kung gaano kabigat ang ipinagagawa sa akin, pero pakiramdam ko, ito ang pinakamaluwalhating sandali ng aking buhay. Wala nang sakripisyo ang hihigit pa sa gagawin ko para sa aking mahal na bayan.” 


Pinagmulan: NCCA Official via Flickr

Ano ang SO2?

 

so2


Ano ang SO2?


Ang SO2 (sulfur dioxide) gas ay isa sa karaniwang volcanic gases na nagmumula sa aktibong bulkan. Ito ay acidic na maaaring magdulot ng pagkairita ng mga mata, lalamunan, at ilong.


Ito ay binubuo ng sulfur o asupre at oxygen.


Ito ay isa sa mga karaniwang volcanic gases na nagmumula sa aktibong bulkan kaya isa ito sa mga parametrong  binabantayan ng DOST-Philvolcs.


Ito ay walang kulay at may amoy na maihahalintulad sa pagsindi ng posporo o mga paputok.


Ito ay acidic, at nakakairita ng mga mata, lalamunan, at ilong.



Epekto ng SO2


Ang epekto nito sa kalusugan ay depende sa:

  • Dami o konsentrasyon na nalanghap
  • Haba ng oras na ito ay nalanghap
  • At kung kabilang ka sa mga sensitibong grupo


Sensitibong grupo:

  1. Mga taong may hika, sakit sa puso, o sakit sa baga
  2. Mga may edad
  3. Mga sanggol o bata
  4. Mga buntis


Anong dapat gawin?


1. Protektahan ang sarili

  • Gumamit ng nararapat na N95 face masks o gas mask
  • Uminom ng maraming tubig upang maibsan ang iritasyon o paninikip ng daluyan ng paghinga 
  • Magpatingin agad sa doktor o sa barangay health unit kung kinakailangan


2. Limitahan ang pagkalantad o exposure

  • Lumayo sasa pinanggagalingan ng volcanic gas 
  • Manatili na lamang sa loob ng bahay at isara ang mga bintana at pintuan upang maiwasang makapasok sa loob ng bahay.


Pinagmulan: @philvolcs_dost


Mungkahing Basahin:

1. Ang Bulkang Mayon





BASIL Project

 

basil project

BASIL Project (Balik Sigla sa Ilog at Lawa)


Layunin ng Balik Sigla sa Ilog at Lawa na programa ng BFAR na magkaroon ng kaalaman at kasanayan ang mga beneficiaries nito ukol sa pag-iingat sa mga island resources para magkaroon ng sustainable development 


Pinagmulan: @PIADesk 


Pinagmulan ng larawan: Joel Sanico ABA (BFAR)


Mungkahinjg Basahin:

1. Project Balik Buhay


Pasma

 

pasma

Ang pasma ay isang uri ng karamdaman na nakaugat sa pagkawala ng balanse ng init at lamig ng katawan. Ang salitang “pasma” ay Espanyol ngunit sa katutubong konsepto ng mga Filipino, ito ay sakit na hindi pa nalalapatan ng siyentipikong paliwanag hanggang sa kasalukuyan.


Ayon sa matatanda, ang biglaang paglalantad ng pagód o kayâ’y nainitang katawan sa malamig, tulad ng tubig at hangin, ay nakapagdudulot ng pasma. Sa gayong mga pagkakataón daw kasi ay nagugulat ang kalamnan ng katawan na nagdudulot ng paninikip o kayâ’y pag-urong ng mga ugat. Karaniwan umanong palatandaan ng pasma ang labis-labis na pagpapawis ng mga palad at talampakan, di-mapigilang panginginig ng mga kamay at paa, pamamanhid ng mga pasmadong bahagi ng katawan, at paninigas o pamamaga ng mga ugat. May mga panganib sa kalusugan ding iniuugnay sa pasma tulad ng malubhang lagnat at sipon na tumutuloy sa pagpalya o hindi maayos na paggana ng baga at utak. May mga ulat din tungkol sa pasmang dumeretso sa pagkasira ng ugat na nagdulot ng pagkabulag.


Ang mga ito ang dahilan kung bakit nakaugalian ng mga Filipino na imungkahing magpahinga muna bago maligo, maghilamos, o bago pumasok sa isang airconditioned na silid lalo na kung galing ang isang tao sa nakapapagod o kayâ’y mainit na gawain tulad ng pagtatrabaho sa bukid, mahabàng paglalakbay, pag-eehersisyo, pagpaplantsa, pagluluto, at iba pa.


Kung susuriin, malaki ang pagkakahawig nito sa paniniwala ng mga Tsino sa konsepto ng qi o ang mismong enerhiyang bumubuhay sa katawan. Anila, ang pagpapanatili ng qi (maaaring sabihing pagpapanatili ng buhay) ay nakasandig sa pagiging balanse ng yang o init at yin o lamig sa katawan ng tao.


Pinagmulan: NCCA Official via Flickr


Mungkahing Basahin:

1. Mga sakit ng lalaki

2. Alagaan ang baga para sakit ay maiwasan